U3F1ZWV6ZTI0MDM3NjcwMTY5X0FjdGl2YXRpb24yNzIzMTM2Mzk1Nzg=
recent
أخبار ساخنة

حقيقة انهيار هواوى بسبب الخلافات بين امريكا والصين




حقيقة انهيار هواوى بسبب الخلافات بين امريكا والصين



بخصوص موضوع هواوي .. و وقف تراخيص اجهزتها من جوجل رسميا
الموضوع اللي قالب الانترنت بقاله ساعة تقريبا

بكرة بالكتير لازم هيكون فيه بيان رسمي من هواوي للرد

الموضوع له شقين سياسي و اقتصادي .... و السياسة فيها لعب ... ممكن بعد اسبوع المشكلة دي كلها تتحل و تبقي كأنها لم تكن.

المعلومات المغلوطة كتير جدا ... 
فيه ناس بتفتي و بيقولوا ان كل موبايلات هواوي هتتحول ل حتة حديدة في ايدك ملهاش لازمة ... كلام غلط بنسبة 100%

فيه فرق بين الاندرويد ك نظام مفتوح المصدر ..... و بين رخصة جوجل.
للتبسيط ... رخصة جوجل هي برنامج المتجر و اليوتيوب و خدمات جوجل عموما ...

____

لو انت روحت الصين و اشتريت أي موبايل اندرويد .... هواوي او اوبو او شاومي او اي ماركة ... هيكون موبايل زي اللي في مصر بالظبط .... و لكن بدون خدمات جوجل ... لأن الصين مانعة خدمات جوجل.
و لو عايز تعدل الموبايل و تضيف الخدمات دي ... بتقدر تضيفها بشكل يدوي بسهولة.
هو ده هيبقي الحال في اجهزة هواوي لو القرار اتطبق

لو فاكرين اجهزة نوكيا القديمة Nokia X و Nokia XL ... دي كانت موبايلات اندرويد بدون رخصة جوجل .... كانت شغالة اندرويد عادي ... و تقدر تعدل عليها و تضيف حزمة البرامج الخاصة ب جوجل 
نفس الكلام في موبايلات شركة MEIZU ميزو لحد قريب ....

الموضوع مش كارثة

طيب ايه تاني خسرته هواوي ... من اسبوع نشرت بوست عن تعاون جوجل مع شركات كتير لتوفير نسخة اندرويد 10 كيو بدري علي بعض الموديلات .... كان منهم اجهزة هواوي 
طبعا بعد القرار ده ... التعاون ده اتلغي و وقف.... و التحديثات الدورية الامنية هواوي هتضطر تعملها بنفسها.

___

في جلساتنا مع الشركات من سنين ... و هم عارفين انهم في خطر بسبب سيطرة جوجل علي نظام الاندرويد لوحدها

سامسونج اشتغلت كتير و بتحاول تطور نظام خاص بيها ... اسمه تايزن 
نوكيا برضه في اول استخدامها للاندرويد حاولت تعمل نظام خاص بيها زي ما ذكرت في المثال بالأعلي

هواوي بتقول انها مستعدة بقالها سنين للخطوة دي ... و مجهزة خطة بديلة ... و تقدر تشتغل علي نظام خاص بيها.... و تسيب الاندرويد خالص.

____

اللي حصل هيكون له تداعيات واسعة ... و كل الشركات مش هتآمن لغدر جوجل ... و هيبدأ يظهر ابداع و منافسة ب سوفت وير مختلف

لا يصح اننا نشوف شماتة من حد في هواوي .... لان وجود هواوي ك منافس قوي محليا و عالميا شيء يفيدك ك مستهلك ... حتي لو انت عمرك ما اشتريت ولا هتشتري منتجاتهم.
ليست هناك تعليقات
إرسال تعليق

إرسال تعليق